XANELA

Antoni Tàpies, o artista catalán máis universal

2012-02-07T09:26:00.002+01:00

Onte, 6 de febreiro, faleceu Antoni Tàpies aos 88 anos. Foi pintor, escultor e teórico da arte española e está considerado como un dos artistas máis importantes do século XX. Creou un estilo propio dentro da arte de vangarda do século XX no que se combinan a tradición e a innovación dentro dun estilo abstracto pero cheo de simbolismo.
A obra de Tàpies tivo unha gran valoración a nivel tanto nacional como internacional, estando exposta nos máis prestixiosos museos do mundo.
Neste vídeo podedes atopar unha breve reportaxe.
Pódese ampliar a información nos enlaces e na páxina da fundación Tàpies

Remata o mes de Xaneiro con Alba Mosquera, Andrea e Raquel

2012-02-01T17:23:00.012+01:00

O último venres do mes de Xaneiro a lectura en voz alta estivo a cargo de tres rapazas de 4º de Primaria: Alba , Raquel e Andrea.

Estaban moi nerviosas aínda así fixérono moi ben. O libro que leron titulábase QUEN LEVOU A LUA.
Trata dun lobo pequeño Kipá, o máis pequeno da manda, que quere ouvear como os lobos grandes; unha noite de lúa chea escapa á montaña e aspira tan forte que a lúa se desprende do ceo...O escritor chámase, Mario Catelli e conta unha divertida historia sobre aprendizaxes e descubrimentos da vida, que suxire que a sabedoría se adquire cos anos, así como a necesidade de gozar cada etapa.

A ilustradora deste conto chámase Madalena Matoso e fai uns debuxos moi coloridos e de trazo simple como o que vedes no inicio...a ver se vos animades a facer debuxos dos contos!!!

Carlota e Alba de Luz e a GUERRA DOS NÚMEROS

2012-02-01T16:46:00.011+01:00

Carlota e Alba de Luz de 3º contáronnos unha historia moi divertida sobre o poder que ten o signo menos, sí, sí! ese que utilizamos para facer as restas...o libro é da editorial OQO e titúlase A GUERRA DOS NÚMEROS.

UN era un número moi pequeno e sempre estaba só e sentía envexa dos demais, que tan superiores lle parecían. Un día, o Rei Menos deulle os planos para construír unha arma terrible: o Signo MENOS.

Este conto escribiuno Juan Darién.
Temos que dicir que contamos cunha "especial colaboración" musical de alumn@s da clase de Marica, que nos dirixiron cantando a canción dos números que viña moi a conto con esta historia. Moitas grazas!

De volta con Ana e Aicha

2012-02-01T10:24:00.008+01:00

Dende que chegamos das vacacións de Nadal, xa fixemos tres lecturas en voz alta na nosa querida Xanela.

O primeiro libro deste ano foi "MARABAJO", lido por Ana e Aïcha, as dúas de 6º de Primaria. O libro, escrito por Pablo Albo e ilustrado por Jesús Aguado, cóntanos unha historia pequena: a aventura, que corren un nutrido grupo de personaxes mariños ao redor dunha bota que, de pronto, apareceu no fondo do mar onde eles habitan. Ao fío desta historia trénzanse outras pequenas e grandes historias como a tráxica e diversa morte de 149.999 cangrexos, ou como a historia de amor de Decorosa, ou a aparición dunha fermosa perla transparente, ou a vida e morte dun salmonete que confundían cun sargo, ou a continua llantina dunha lura xigante pequena, ou a historia dos incansables ourizos, ou das gambas filósofas... Como podedes apreciar, un montón de historias que se mesturan e suman dando corpo a un libro estupendo, aínda que Aïcha e Ana leron soamente dúas historias.

En suma, un libriño breve, aparentemente sinxelo e moi entretido, que se le nun suspiro e no que cabe o bo humor, a poesía e a tinta de lura.Totalmente recomendable.

BO NADAL!

2011-12-20T12:31:00.003+01:00

Disfrutemos das vacacións e carguemos as pilas para vir con forzas renovadas e aprender moito no novo ano!

José Luis Sampedro, premio das letras españolas 2011

2011-11-30T11:18:00.003+01:00

O escritor, humanista e economista español José Luis Sampedro foi galardonado co Premio das Letras Españolas 2011, otorgado polo ministerio de cultura, en recoñecemento á súa traxectoria literaria e ao conxunto da súa obra. Este é o segundo premio máis prestixioso logo do Premio Planeta. O xurado destacou que o autor é un dos escritores vivos máis importantes da segunda mitade do século XX ademais dunha referencia intelectual e moral de primeira orde. O pensamento de Sampedro proxéctase sobre a natureza social da actualidade económica e os seus efectos sobre a realidade social na que se desenvolven. Defende que a economía debe ser máis humana, máis solidaria, capaz de contribuír ao desenvolvemento da dignidade dos pobos. Isto tamén se reflicte na súa obra na que destacan títulos como "La sonrisa etrusca", "Mientras la tierra gira", "La senda del drago", etc.

Lectura das nenas de 3º

2011-11-24T16:48:00.003+01:00

O pasado venres foron as nenas de 3º, Alba, Susana e Raquel, as que participaron como lectoras voluntarias na lectura en voz alta dos recreos pero iso si... Estiveron axudadas por toda a súa clase! Unha montaxe estupenda para lernos "Si tienes un papá mago" de Gabriela Keselman. Aquí vos deixo as fotos da sesión. O número de asistentes como público tamén foi moi alto.

A páxina web do cole

2011-11-17T13:34:00.004+01:00

Moitos de vós xa sabedes que levamos tempo organizando a páxina web do cole. Agora xa empeza a ter moitas cousas. Nela podedes consultar documentos do centro, acceder ás publicacións on-line, ler recomendacións de lectura, consultar novas de actualidade... E agora tamén podedes ver as fotos das diferentes actividades que imos celebrando no cole. Non tedes máis que ir á galería e dende alí acceder ás diferentes conmemoracións, visitas, etc.

Animádevos a visitala e convertela nunha ferramenta habitual de consulta do centro!

Lectura das nenas de 2º

2011-11-14T17:27:00.003+01:00

Aquí vos deixo as fotos da lectura do pasado venres. Foron Laura, Eila, Natalia e Daniela que nos leron "Os tres porquiños". Unha vez máis, a actividade foi un éxito total.
Felicidades, lectoras!!

II Día da Ciencia en galego

2011-11-03T17:30:00.008+01:00

Por segundo ano consecutivo celébrase o Día da Ciencia en galego. O noso cole xa participou o curso pasado (recordades o día das cometas?) e volve facelo este ano. Son moitas as celebracións que se nos acumulan pero ben podemos con todo! Este ano o día está adicado á química xa que estamos no ano internacional da química e tamén no centenario do nobel de Marie Curie. Outra das mulleres homenaxeadas nesta ocasión é Mª Josefa Wonenburger. Sabedes que esta última era veciña de Oleiros?
Para conmemorar o día todas as aulas están a preparar varios experimentos que amosarán aos seus compañeiros e compañeiras do cole.
Se queredes máis información navegade polos enlaces.
Tamén podedes ir á wiki de proxectos da biblio onde atoparedes varias páxinas con posibles experimentos e información.
Que vos parece o programa?

Samaín no cole

2011-11-02T13:17:00.004+01:00

O venres pasado tivemos ocasión de celebrar o samaín no noso cole, que ben o pasamos! A exposición cada ano ten máis participantes e quedou terrorífica. Todos os cursos o pasaron estupendamente visitándoa e tamén nos contacontos que fixeron moitas das profes. Aquí vos deixamos unha mostriña das fotos da exposición. Pouco a pouco iremos colgándoas na páxina web do cole.
E a vós... Que vos pareceu o día?

Create your own free slideshow design

Samaín, samaín!

2011-10-27T09:42:00.005+02:00

Xa estamos a voltas un ano máis co Samaín! Nestes días tan de outono no noso colexio andamos a tolear: que se as cabazas, que se as guirnaldas, que se preparar os contacontos... Os nenos e nenas, os profes, as familias... Non paramos nin un momento para que o venres todo estea perfecto.
Xa están chegando as cabazas preparadas na casa ao colexio e hainas verdaderamente fantásticas! Non estades nerviosos? Cal será a máis terrorífica? A máis grande? A máis pequena? A máis orixinal?...
Pero a exposición de cabazas non é o único que faremos mañá, tamén teremos contacontos, fotos... Un chea de actividades para comezar o outono! Recordade que na wiki de proxectos da biblio podedes atopar moitos recursos para traballar na aula.

SAMAÍN from bibliocole on Vimeo.

Éxito da lectura en voz alta!

2011-10-24T18:10:00.005+02:00

Nada máis e nada menos que 90 nenos e nenas asistiron o pasado venres á lectura en voz alta. Un éxito total! Andrea, Antonela, Alba, Raquel e Giselle de 4º curso foron as lectoras do día pero tamén as axudou Agatha de Educación Infantil. Leron "Pétala" de Pep Bruno. E a vós...? Que vos pareceu este conto? Non estades desexando saber quen son os próximos lectores?

Comezou a lectura en voz alta!

2011-10-18T17:43:00.005+02:00

O venres pasado comezou unha das nosas actividades favoritas: a lectura en voz alta. Pouco a pouco fostes enchendo de solicitudes o buzón de Lusca. Isi, a nosa nova flamante coordinadora non o tivo doado para decidir quen lía nesta primeira sesión. Finalmente foron Carolina e Milka de 6º as seleccionadas. Leron "El dragón que quería ser violinista" de Luisa Villar Liébana. Nesta historia o dragón Godofredo intenta tocar un violín pero pensa que sendo tan grande coma el nunca poderá logralo. Así que non cre que non lle queda máis remedio que buscar outro traballo: Taxista? Bombeiro? Futbolista?... Finalmente a música resolverá o seu problema.
A asistencia de público foi, coma sempre, estupenda. Aquí vos deixamos as fotos, non olvidedes facer os vosos comentarios.

É MOI IMPORTANTE PARA O NOSO BLOGUE!

Xanela aberta!!!

2011-10-03T13:37:00.003+02:00

Xa hai días que comezou o curso pero a nosa biblioteca aínda non podía abrir. Aínda así non pensedes que non tiña movemento! Os máis observadores seguro que vos decatastes que algo pasaba: Isi entraba e saía, os alumnos e alumnas de 5º e 6º entraban e saían... Que estaría a pasar? Que intriga! Moito nos tardaba pero hai uns días xa apareceu algunha nova nas portas das aulas. Que non sabedes de que falo? Hai que estar máis atentos!
Hoxe, por fin, é o gran día! Xanela abre as súas portas no recreo e así seguirá ata que remate o curso. Tamén a partir de mañá podedes vir polas tardes a facer traballos do cole ou ler tranquilamente.
Este ano ademais hai unha novidade moi importante, temos unha nova profe responsable da biblio, Isi, á que todos coñecedes. Estou segura de que estades encantados de tela todos os días pola nosa biblioteca, axudando a Lusca no seu traballo.
Aquí vos deixo unha foto do novo equipo de biblioteca. Seguro que con este grupo de traballo temos un curso fantástico!!

Vémonos na biblio!

Ana Mª Matute, premio Cervantes 2010

2011-04-27T20:03:00.005+02:00

O 23 de abril de cada ano, dende 1976, e coincidindo coa celebración do Día do Libro, fállase o Premio Cervantes. Este ano dito premio recoñece o labor literario de Ana Mª Matute, unha das nosas autoras máis prolíficas que ademais está considerada como unha mellores novelistas españolas da posguerra. Ana Mª Matute convértese na terceira muller en obter este galardón. Ten moitas novelas e contos que teñen aos nenos e nenas como protagonistas. Para máis información sobre ela, picade nos enlaces e disfrutade destes vídeos. Neste enlace podedes tamén ler con calma o texto íntegro do seu discurso na entrega do premio.

enlace á reportaxe na TVE

"Camilón, comilón": lectura en voz alta de Ismael de 3º.

2011-04-15T17:48:00.000+02:00

Hoxe celebramos no cole o día do libro e tivemos unha lectura moi divertida na hora do recreo, un libro titulado "Camilón, comilón". Camilón ten fame, polo que empeza a pedir comida para chear a súa cesta. E cando a teña repleta, que fará?
Un libro moi recomendable de Ana María Machado do Barco de vapor para traballar a amizade e o valor de compartir.

CAMILON COMILÓN

View more presentations from maryavisas

Lectura en voz alta de Antón: "O trasno burlón".

2011-04-15T17:45:00.002+02:00

O venres pasado Antón contounos un conto moi interesante que ocorre na nosa cidade de A Coruña: Brais o protagonista está emocionado ante a idea de viaxar a A Coruña para coñecer a Miquiños, o seu amigo por correspondencia. Os pequenos detectives descobren que Miquiños é un trasno disposto a pasar un bo anaco á conta súa

Fotos da cidade que percorre Brais: A Coruña

View more presentations from Para Entretenerse

Lectura en voz alta de Natalia e Daniela de 1º: "Stelaluna".

2011-04-06T18:13:00.005+02:00

Daniela e Natalia leron o pasado venres na biblioteca. Un libro precioso "Stelaluna", unha bonita historia dunha pequena morcego que se ve separada da súa nai e é adoptada por unha familia de paxaros.

A fraternidade, a integración, os costumes diferentes, fan de "Stelaluna" un libro interesantísimo para tratar o tema da convivencia e a solidariedade.

Moi ben, Daniela e Natalia!

A lectura deste conto fixo xurdir moitas dúbidas sobre as características deste animal, polo que na seguinte presentación podedes pescudar cousas moi interesantes sobre os morcegos.

Morcego

Teatro LUME!

2011-04-04T17:23:00.001+02:00

Hoxe veu visitarnos a compañía Babaluva coa obra de teatro “Lume” baseada nun libro do mesmo nome do escritor Alberto Varela Ferreiro. Os monicreques e os elementos escenográficos están feitos reutilizando obxectos cotiáns recoñecibles e sen apenas transformacións.

O conto di así…

Nun bosque onde vivían moitos animais algo pasou que fixo ladrar ao can…

Unha lapa chegou con ganas de facer lume e fume. O can chamou á vaca, a vaca ao cervo, o cervo á xabarila, a xabarila á landra, a landra preocupada foi buscar ao moucho que avisou a araña. A araña viu ao ourizo, o sapo alertou á garza que estaba comendo miñocas. A eiruga falou coa bolboreta, voluntariosas chegaron a vacaloura e ao esquío. E así foi como axudándose uns aos outros prepararon un plan para apagar o lume.

Excursión "Teatro en inglés"

2011-03-30T20:13:00.006+02:00

Toda a etapa de primaria fomos ver a obra teatral en inglés "Treasure Island" ao CEIP Curros Enríquez. A posta en escea é da compañía de teatro en inglés "Face 2 face". Esta obra está baseada na novela "A illa do tesouro " de Robert L. Stevenson, un libro recomendado para nenos e nenas de 2º ou 3º ciclo aos que lles gusten as historias de aventuras e piratas.

Aínda que tamén temos adaptacións como a de Bahía Edicións, da ilustradora Sandrine Gambart, para os máis cativos.

Aquí vos deixamos coas fotos dese día, no que houbo risas, sustos e ata un actor espontáneo de 6º chamado Daniel que o fixo, con outr@s nen@s do colexio Curros Enríquez, moi ben.

Lectura en voz alta de todol@s nen@s de 3º: "A viaxe das bolboretas"

2011-03-23T12:00:00.014+01:00

Conto de Paula Carbone da editorial OQO.

O venres pasado tivemos unha lectura en voz alta diferente, todos os nenos e nenas de 3º e a súa mestra, Luz, tíñannos preparada a proxección dun conto na biblioteca coas súas voces grabadas interpretando cada personaxe da historia. O conto titúlase "A viaxe das bolboretas", unha historia dun vermiño e o que lle aconteceu mentres percorría a distancia entre a laranxeira e o limoeiro. Nese longo camiño para el non só atopou bos amigos senón tamén obstáculos aos que lle facer fronte.
O VERMIÑO e os seus amigos: O GRILO, A TESOIRIÑA, A FORMIGA, A PULGA E A EIRUGA invítanvos a ler este bonito conto.

DIVÍRTETE CON NÓS EN "A VIAXE DAS BOLBORETAS"

Percorrido da laranxeira ao limoeiro: (realizado pol@s nen@s de 3º)

Día Mundial da Auga

2011-03-22T08:00:00.001+01:00

Hoxe celébrase o Día Mundial da Auga. No noso cole esta conmemoración cobra doble importancia xa que é o tema central do proxecto da nosa biblioteca e todas as aulas estamos a traballar e investigar sobre ela.

Pero sabedes por qué se celebra nesta data? Navegade polos enlaces e averiguarédelo!

Aquí vos deixo un enlace onde podedes atopar moitas actividades para aprender aínda máis cousas.

Non olvidedes tampouco que na wiki da biblioteca podedes atopar unha chea de recursos para a vosa consulta e traballos que teñades que facer.

INUNDADOS POLA AUGA

Visita do ilustrador vigués ABRAHAM CARREIRO

2011-03-10T15:53:00.007+01:00

Hoxe en Xanela tivemos a sorte de contar coa visita do ilustrador Abraham Carreiro, que nos ensinou un pouquiño da súa profesión: a caracterización de personaxes , a técnica do difumino coas pinturas pastel e o uso de cores frías e quentes segundo a sensación ou o ambiente que queiramos darlle á ilustración; unhas boas técnicas para levar aos nosos debuxos que axiña fixemos na aula para aplicar o aprendido.
Dende Xanela recomendámosche o libro "A pel do crocodilo" da editorial a Nosa Terra que está disponible na biblioteca.

Debuxos de Abraham Carreiro

Adxuntamos unha entrevista para coñecer máis cousas del:

Picade aquí para ver a galería de ilustracións de Abraham Carreiro

E chegou o Entroido!

2011-03-02T12:55:00.004+01:00

Xa está o colexio metido de cheo na festa do Entroido. Estes días non se para! Polo de agora todo o alumnado e o profesorado anda a participar no xogo do Mandadiño, xa sabedes, cada día temos que estar pendentes dos carteis que anuncian o que hai que traer ao día seguinte. Hoxe xa chegamos todos con gafas de buceo, xoguete de praia e gorro de baño... Que teremos que traer mañá? Acabo de mirar ao noso buzo e tócanos algo para flotar! Como vedes todo está relacionado co tema da auga, o tema do noso proxecto de biblioteca. E vaia pintas que temos todos!

Preparádevos para o venres, día no que ademais de vir todos disfrazados da casa (estou desexando vervos!) temos unha xornada moi especial; toda a mañá estaremos rotando polos distintos obradoiros que están organizados: alimentar á balea, taller de fotos, cruzar o río, papiroflexia, pesca con cana, pompas de xabrón. Cando rematemos participaremos nun desfile e comeremos unha chea de doces que aportarán as familias. A ANPA tamén aportará uns zumes. Pero non todo vai ser festa! Para que tamén aprendades moitas cousas sobre o entroido en Galicia aquí vos deixo un enlace da coordinadora galega con moitísimas actividades: xogos, cazas do tesouro, vídeos...

QUE O DISFRUTEDES!

A lectura de Iria e Laura

2011-02-21T12:02:00.004+01:00

Laura e Iria leron o pasado venres na biblioteca. Un libro precioso "Cal é a miña cor?" Houbo unha cantidade de público impresionante, nada máis e nada menos que 55 nenos e nenas que preferiron escoitar unha lectura no tempo de recreo.
Moi ben, Laura e Iria!

12 de febreiro. Día Darwin

2011-02-12T12:23:00.002+01:00

Hoxe conmemórase o 202 aniversario do nacemento de Charles Darwin. Charles Darwin era un naturalista inglés que co seu traballo nos descubriu a evolución das especies.
Pois ben, os Museos Científicos Coruñeses celebran o Día Darwin coa presentación da súa primeira exposición web MisterDarwin.eu. A nova web será un recurso on line sobre a teoría da evolución e o seu autor e está vinculada á exposición "O asombro de Mister Darwin" na Casa das Ciencias. Máis información neste enlace.
Unha boa opción tamén é ir visitala coa familia. Xa nos contaredes!
Por certo, hai un libro precioso, "La evolución de Calpurnia Tate" no que a protagonista, Calpurnia, se sinte marabillada coas teorías de Darwin e intenta aprender todo o que pode sobre as especies coa axuda do seu avó. Pode ser unha fantástica lectura para os de terceiro ciclo.
Para empezar ide vendo este vídeo sobre Darwin e a teoría da evolución

DÍA DA PAZ 2011. O CONFLICTO DA AUGA

2011-02-03T12:37:00.004+01:00

O pasado 30 de xaneiro conmemorouse o Día Internacional Escolar pola Paz e a Non-Violencia. No noso centro estivemos e estamos a traballar ao redor deste día cun tema moi especial e importante para todos nós, a auga.
A auga é o tema do noso proxecto de biblioteca pero estes días quixémonos centrar na auga como problema, como fonte de conflictos.
Par ter unha información máis ampla sobre o que estivemos a facer podedes consultar a wiki "proxectos biblioteca Xanela". O máis importante é que tomamos conciencia de que vivimos nunha zona privilexiada do planeta onde temos auga de abondo pero que noutros lugares a auga é moi escasa.
Buscando inspiración no mundo do cine atopamos unha idea estupenda na película "También la lluvia" de Icíar Bollaín e todos levamos para as casas un pequeno agasallo: unha botelliña de auga cunha etiqueta que nos recordará esta actividade e o máis importante, que a auga é un tesouro.
Aquí tedes as fotos dos murais que se fixeron para recordar este día.

O proxecto da Biblio empeza a andar!

2011-01-19T19:50:00.002+01:00

... Ou mellor deberíamos dicir "A nadar!" Como xa todos sabedes, o proxecto deste ano xira ao redor da auga. Cada clase escolle un aspecto a traballar. Como son moitas as actividades que temos en marcha e os recursos que podemos utilizar, dende a nosa biblioteca acabamos de crear unha wiki (páxina web colaborativa) onde iremos poñendo todos os materiais que consideremos interesantes á disposición das diferentes aulas. A wiki chámase "Proxectos Biblio Xanela" Se picas no nome accederás directamente a ela. Tamén deixo o enlace na barra da dereita.
Todos podedes ver a wiki pero só os profes poderán acceder para engadir novos recursos. Aínda así todos os rapaces e rapazas podedes colaborar: se atopades algo na rede ou nos libros que consideredes interesante podedes comunicalo ás vosas titoras ou deixar aquí un comentario co enlace. Rapidamente pasarémolo á wiki!
Animádevos! O proxecto farémolo entre todos nós!
Para que vos animedes aquí vos deixo un vídeo moi divertido

A lectura de Aicha e Milka

2010-12-22T13:35:00.002+01:00

A lectura de Aicha e Milka é a última do trimestre, con elas nos despedimos ata o ano que vén. Temos un montón de lectores e lectoras esperando o seu turno así que seguro que será un segundo trimestre cheo de contos!
MOI BEN, AICHA E MILKA!

A LECTURA DE ROMÁN

2010-12-22T13:21:00.002+01:00

Con un pouquiño de retraso, disculpádenos, aquí vos deixamos as fotos da lectura en voz alta de Román. Como xa recordaredes, foi unha sesión fantástica á que acudiron moitos compañeiros e compañeiras a escoitar a Román, que nos leu a historia de "La cabra boba".

MOI BEN, ROMÁN!

Campamento de Nadal

2010-12-22T12:37:00.001+01:00

Durante estas vacacións de Nadal hai moitas cousas que facer. Unha mamá do centro nos achega esta información sobre un campamento gratuito. Botádelle unha ollada!
campamento-navidad[1]

FOTOS DUN AGASALLO DIFERENTE

2010-12-21T19:00:00.000+01:00

Lusca quere darvos un AGASALLO DIFERENTE estas festas:

O ÁLBUM DE FOTOS DE MARCEL;

QUE DISFRUTEDES COAS FOTOS!

FELICES FESTAS!

FOTOS DE PRIMARIA

FOTOS DE INFANTIL

Finalistas na fase autonómica. I Concurso de Lectura en Voz Alta

2010-12-16T17:07:00.003+01:00

Xa se saben os concursantes que pasaron á fase finalista do I Concurso de Lectura en Voz Alta. Non temos a sorte de estar entre os seleccionados pero iso non debe desmoralizarnos senón que temos que coller máis forzas para o ano que vén. De tódolos xeitos, alegrámonos polos premiados, especialmente polas do CEIP María Pita. Moita sorte nesta nova fase!
No seguinte documento podedes consultar a resolución coa listaxe de premiados.
Resolucion Finalist As Concurso Lereescoitar[1]

Este Nadal UN AGASALLO DIFERENTE, descúbreo moi pronto en XANELA.

2010-12-02T18:35:00.002+01:00

UN AGASALLO DIFERENTE: RECURSOS PARA TODOS

O día do seu aniversario, Marcel invitou a Tristán a merendar na súa casa.

-Felicidades - dixo Tristán ao ver o seu amigo, e deulle un pequeno paquete...

MOI PRONTO AVERIGUAREDES QUE TIÑA DE ESPECIAL ESE "AGASALLO DIFERENTE". Se credes saber cal é o agasallo diferente, deixade un comentario coas vosas ideas.
Para ir abrindo boca, deixámosche estes recursos do Nadal:

O CONTO DE PAPÁ NOEL

Enlaces para os máis pequenos:

Debuxos de Nadal

Acitividades LIM

Descargar postais de Nadal.


Manualidades

Decora a tua árbore

Recursos para os maiores:

O Nadal en distintas partes do mundo (información)
O Nadal no mundo (información)

Contos de Nadal:

O agasallo de Nadal
O felicímetro
O ano que Mamá Noel repartiu os agasallos
O cociñeiro da Noite Boa


Xogo Navideño

VILLANCICOS

RECURSOS PARA OS MESTRES:

Wikisaber (recomendación do blog Orientación Andujar)

Paula, Raquel e Andrea na lectura en voz alta!

2010-12-02T18:26:00.000+01:00

Agora son Andrea, Paula e Raquel as que chegan á biblioteca escolar "Xanela" para compartir unha lectura con nós, "Santi no quiere... irse a la cama". Son alumnas de 3º e estaban desexando que lles tocara ler. Fixéronno estupendamente! Vós que dicides?

A lectura de Jaime, Patricia e Marcela

2010-12-01T13:00:00.000+01:00

Outro día de lectura en voz alta e outra nena dos recén chegados que se suma á actividade. E non vexades a lista de espera que temos! Patricia tamén se adapta estupendamente ao cole e todos estamos encantados de ter tantas caras novas por aquí.Eles léronnos "O elefante que non quería ser elefante" e todos disfrutamos moito coa lectura. Parabéns aos lectores!

Un novo fiadeiros!

2010-11-30T18:35:00.002+01:00

Esta mañá celebramos no noso cole, na biblioteca, unha nova sesión de Fiadeiros, actividade organizada polo Equipo de Dinamización da Lingua Galega. A súa coordenadora, a profe Maite, explícanos que é unha actividade destinada a crear espacios e tempos para falar galego. Todos os meses ten que facer unha selección de alumnado porque son moitos os que solicitan participar. Faise logo do recreo. Este mes o tema tratado é "Xoguetes de antes e agora" e os asistentes disfrutaron un montón falando dos diferentes tipos de xogos que coñecían e sobre cales lles gustaban máis. O mes que vén, máis!

A lectura de Celia, Ainhoa e Noemi

2010-11-30T18:07:00.004+01:00

Con un pouco de retraso aquí van as fotos da lectura de Celia, Ainhoa e Noemi. Ainhoa e Noemi xa son expertas nestas lides pero Celia é unha alumna nova do cole que xa se enganchou á actividade. Parece que se sente moi a gusto entre nós, o que nos aleda moitísimo. Nós estamos encantados de terte aquí, Celia, e tamén encantados de que participes nesta actividade tan nosa.
Ainhoa, Celia e Noemi leron "O soño do osiño rosa"

25 DE NOVEMBRO. DÍA INTERNACIONAL CONTRA A VIOLENCIA DE XÉNERO

2010-11-25T19:44:00.000+01:00

Hoxe, 25 de novembro, é o Día Internacional contra a Violencia de Xénero. Esta data foi aprobada pola Asemblea Xeral das Nacións Unidas en 1999 a proposta da República Dominicana co apoio de sesenta países. O motivo que levou á República Dominicana a propoñer este día foi o terrible asasinato das irmás Mirabal que tivo lugar o 25 de novembro de 1960 por orde do dictador dominicano Trujillo.
Actualmente son moitas as mulleres que sofren violencia de xénero e moitas acaban mortas. Non hai máis que ver a prensa, a televisión ou a radio para comprobar que é un problema real e grave. Todos e todas temos a obriga de facer o posible para erradicar este cancro da sociedade. Un primeiro paso é facermos conscientes do problema e para iso nada mellor que estar informados. Enreda polos enlaces (a imaxe do lazo e as palabras subliñadas) e atoparás moitos datos.

LUSCA E O DÍA DOS DEREITOS DA INFANCIA!

2010-11-20T10:00:00.010+01:00

Sabías que os nenos e nenas coma ti tedes DEREITOS? Alá onde vivas teñen que respectalos, sexas neno ou nena, teñas ou non algún impedimento físico ou mental, fales un ou outro idioma... Independentemente da cal sexa a túa cor de pel, o teu país, as ideas que teñas... tes dereito a unha casa, a unha escola, á alimentación, e todo o demais que precises para ter unha vida sana e feliz.

Ademais ningún neno ou nena pode sufrir violencia, maltrato, explotación ou abandono.
PARA SABER MÁIS...

Picade aquí

XA TEMOS GAÑADORES!

2010-10-29T17:13:00.002+02:00

Esta mañá fíxose pública a relación de gañadores do I Concurso de Lectura en Voz Alta "Ler e escoitar". Había moita expectación e nervios. Os nomes anunciáronse na sesión de contacontos á que asistiu terceiro ciclo con motivo da celebración do Samaín.
A gañadora da modalidade individual é AINHOA VÁZQUEZ SÁNCHEZ, de 6º curso e os gañadores da modalidade de grupo son MIGUEL LÓPEZ CUESTA e ROBERTO LARA MÍGUEZ, de 5º curso. Como premio polo seu traballo entregóuselles un agasallo, un libro.
Os vídeos coas súas lecturas xa están enviados a Santiago. Agora a esperar os resultados desta nova fase!
Aos que non resultaron seleccionados moitas grazas pola súa participación. Todo o colexio está orgulloso do traballo que levaron a cabo.
NORABOA OUTRA VEZ AOS GAÑADORES!

FIADEIROS

2010-10-28T12:52:00.002+02:00

Hoxe comezou a nova tempada de Fiadeiros no noso cole. Xa sabedes en qué consiste. Un grupo de alumnos e alumnas van voluntariamente á Biblioteca para falar dun tema proposto polo Equipo de Dinamización Lingüística. Hai que respectar dúas normas: a primeira, falar en galego e a segunda, respectar a quenda de palabra.
O tema deste mes é "O medo", por aquelo das datas nas que estamos! A actividade ten moito éxito entre todos vós, a lista de espera para participar na actividade é tremenda! Procúrase que en todas as sesións haxa representantes dos diferentes cursos. Fixádevos nas fotos!

Samhaín en Xanela

2010-10-27T18:52:00.002+02:00

Xa queda pouco para que chegue a noite máis terrorífica do ano, a noite do Samhaín, hoxe en día chamada tamén Halloween.

A noite do 31 de Outubro comeza o ano novo celta, antigamente era considerada unha das noites más perigosas do ano, xa que nesas horas as ánimas eran quen de vir visitar este mundo e render contas inacabadas cos homes e mulleres da terra.

Para afastar as ánimas dos inimigos estas xentes recurrían aos conxuros dos druídas e adoitaban decorar as súas casas con ósos, caveiras e demais cousas desagradables para que os mortos pasaran de longo asustados.
Seguirán hoxe visitándonos?

Enlaces relacionados co Samaín:

Para os máis pequenos:

Xogo "Talla unha cabaza"

Lim relacionado co Outono e o Samhaín

Lim do Samhaín en inglés

Debuxa con Art Attack unha casa encantada.

Debuxos para colorear

Aprende e canta con "Mamá Cabra" a canción do Samhaín

Receitas para facer en familia

Para os maiores:

Información do Samhaín (Wikipedia)

Información do solsticio de inverno

Videocontos

Manualidades de Paper craft

Instruccións para tallar unha cabaza

Disfraces terroríficos

Xogo de preguntas do Samhaín

Para @s mestr@s:

Materiais para infantil e primaria (Orientación Andujar)

Recursos do día dos difuntos, mortos e Halloween (Cuaderno Intercultural)

Crear contos de terror (plantilla)

I CONCURSO DE LECTURA EN VOZ ALTA "LER E ESCOITAR"

2010-10-26T13:33:00.007+02:00

Hoxe a nosa biblioteca vestiuse de festa! Nunca tantos contos se leron nun mesmo día, nin tantos lectores houbo ao mesmo tempo! Hoxe celebramos a primeira fase do I concurso de lectura en voz alta convocado pola Consellería. A participación foi estupenda! Un total de 24 rapaces e rapazas de terceiro ciclo de primaria concursaron nas dúas modalidades, individual e grupo. Levaban días preparando as súas lecturas e notouse. Asistiron como público os compañeiros e compañeiras de 3º,4º, 5º e 6º e tamén eles o fixeron xenial.
A xornada foi moi especial e pensamos que o balance é totalmente positivo. Agora só queda que o xurado decida quen son os gañadores! Estade atentos!

COMEZAMOS A LECTURA EN VOZ ALTA!

2010-10-22T16:26:00.003+02:00

Un ano máis comezamos a "tempada" de lectura en voz alta. Xa imos polo 4º ano e segue a ter o mesmo éxito de sempre. Son moitos xa os nenos e nenas que solicitaron participar nesta actividade. Temos o calendario completo para todo o primeiro trimestre! Tede un pouquiño de paciencia e mentres esperades podedes disfrutar tamén asistindo como público e ademais así seguro que colledes boas ideas.
Hoxe foron Ainhoa, Cristian e Laura de 4º curso os que nos fixeron disfrutar coa lectura de "Amores de gato e rato". Como xa vén sendo habitual tamén trouxeron debuxos feitos por eles dos personaxes do conto. A semana que vén máis!

Por certo, que andamos moi atarefados polo centro porque o alumnado de terceiro ciclo anda a preparar a súa participación no I Concurso de Lectura en Voz Alta. O martes celebramos no cole a primeira fase. Estade atentos!

OUTRO BLOGUE NO COLE!

2010-10-21T09:45:00.002+02:00

A comunidade dixital vai medrando no noso cole. Agora son os alumnos e alumnas de 1º coa súa profe, María, os que se animan a participar na blogosfera. Preséntanos a Pulpito, a súa mascota, coa que percorrerán o fondo mariño. Seguro que aprendemos con eles un montón de cousas! Picade na imaxe para ver o blogue.

Recollemos o premio!

2010-10-19T20:58:00.009+02:00

O pasado venres estiven en Madrid, invitada pola Fundación Telefónica para recoller o premio do XI Certame Educared. Recordade que un grupo de alumnos e alumnas de 6º do curso pasado elaboraron unha wiki sobre a contorna da Torre de Hércules pola que obtiveron o segundo premio do Certame.

O venres os docentes galardonados asistimos a varias sesións de formación sobre o uso de novas tecnoloxías e tamén participamos na gala de entrega de premios.

Hoxe sae a noticia tanto na Voz de Galicia como na Opinión de A Coruña. Picade nas imaxes para lelas.

Aquí vos deixo tamén o vídeo de presentación da gala,

Outros materiais (fotos, montaxes...) compartidos por asistentes á gala:
presentación collage
fotos
Máis fotos

A MAXIA CHEGOU AO NOSO COLE!

2010-09-20T13:27:00.016+02:00

Esta mañá contamos no cole cunha actuación estupenda. Durante case unha hora estivemos a disfrutar da maxia da man de MYSTER YURGEN E FLORETTE, que chegaron directamente de Francia para facernos rir e asombrarnos con todo o que facían aparecer e desaparecer no escenario do noso Salón de Actos.

A actividade foi promovida pola Concellaría de Cultura de A Coruña e enmárcase dentro da Semana Internacional do ilusionismo que se celebra na nosa cidade dende o 18 ata o 26 de setembro.

Aquí podedes consultar a programación para ir coas vosas familias. Non lle perdades a pista!

Tamén podedes participar nos obradoiros de iniciación á arte da maxia que se celebran nas bibliotecas municipais e na Fundación Caixa Galicia. Só tedes que inscribirvos!

Aquí vos deixo unha foto do momento

LETRAS GALEGAS 2010. UXÍO NOVONEYRA

2010-05-05T10:02:00.009+02:00

Xa estamos no mes das Letras Galegas e a actividade séntese por todos os corredores do noso colexio. Todas as clase andamos a investigar a figura de Uxío Novoneyra, poeta homenaxeado este ano, e lendo as súas poesías. Uxío Novoneyra naceu ademais nunha terra preciosa, O Caurel, feito que podemos aproveitar para investigar tamén unha das zonas máis impresionantes da nosa Galicia. Moitos son os centros e organismos que levan meses preparando actividades sobre o autor e que deberemos consultar para ampliar información ou, simplemente, para disfrutar lendo. Tedes os enlaces nesta mesma entrada. Moitas grazas a todos eles por compartir o seu traballo.
Letras Galegas. Historia (Vieiros)
Páxina web do autor
A Serra do Courel
Uxío Novoneyra. Liña do tempo
Uxío Novoneyra. (Real Academia Galega)
Páxina de recursos do Seminario Galán.
Vídeos e outro material didáctico (Coordinadora de Equipos de Normalización Lingüística)
"Gorgorín e Cabezón" (Unidade didáctica)
Unha chea de recursos (CEIP Friáns-Teis)
Webquest 3º ciclo (CEIP de Andrade)
Recompilación de actividades por ciclos (Biblioteca do CEIP de Malpica)
Blog sobre o autor (elaborado por un grupo de alumnos de 1º BAC)

FANTÁSTICO DÍA DO LIBRO!

2010-04-23T19:16:00.004+02:00

Que ben o pasamos hoxe e cantas cousas aprendimos! Todo o colexio estivo en movemento esta mañá! Foi deses días que che gustaría que se repetisen unha morea de veces.
Xa sabedes que lle adicabamos o Día do Libro á figura de Rosalía de Castro porque se cumplían 125 anos dende o seu pasamento. Todas as aulas fixeron un traballo espléndido: murais, recital de poesías, dramatizacións, xogo da oca, unha web para a nosa intranet, cancións, un xogo de relacionar... E todas esas cousas as presentamos hoxe na Biblioteca do cole ou nas aulas. Todos pasamos por todas partes! O máis bonito foi ver a mestura de niveis e cómo os maiores axudaban aos más pequenos a resolver os misterios... Ou ao revés! E hai que ver todo o que aprendimos sobre Rosalía!
Tamén fixemos unha chea de fotos. Aquí vos deixamos unha mostra! Nos vindeiros días colgaremos máis no álbum. Estade atentos!

Rosalía no noso cole!

2010-04-22T13:31:00.004+02:00

Hoxe tivemos unha visita moi, pero que moi especial! Nada máis e nada menos que ROSALÍA DE CASTRO! Si, si, así como o estades a ler. E a de cousas que nos contou! Falounos da súa vida, dos seus fillos, da súa poesía, de cómo botaba de menos Galicia cando tivo que marchar fóra... Tamén cantamos con ela algún dos seus poemas. E aínda fixemos caligramas con algúns dos seus versos!
Todo isto na nosa biblioteca. Estabamos os rapaces e rapazas de 3º, 4º, 5º e 6º e moitas mestras acompañando esta actividade promovida polo Servizo de Normalización Lingüística do concello.
Mirade, mirade as fotos!

Traballando a Rosalía

2010-04-14T10:08:00.005+02:00

O vindeiro 23 de abril é o Día Internacional do Libro. No noso centro aproveitamos estas datas para investigar e afondar sobre a vida e obra de Rosalía de Castro xa que este ano se cumpren 125 anos do seu pasamento.
Todas as aulas están a facer un traballo sobre a autora que amosarán aos demais compañeiros o 23 de abril. Temos moita curiosidade por ver o que están a facer!

Deixámosvos aquí algúns enlaces que vos poden axudar:
Rosalía na wikipedia
Web da Fundación Rosalía de Castro
A súa obra
Webquest sobre Rosalía (3º ciclo)
Blogue Son de Poetas
Webquest sobre o Día do Libro
Outra webquest sobre o Día do Libro

Cómo utilizar Google Earth.

2010-03-15T22:01:00.001+01:00

(visto en Tic, tic, tic)

Os pequeniños de Educación Infantil tamén len!

2010-03-14T21:16:00.003+01:00

Un grande acontecemento na nosa biblioteca Xanela! Por primeira vez, na actividade de Lectura en Voz Alta, son os alumnos e alumnas de 5 anos os encargados da lectura no recreo. E hai que ver o ben que o fixeron! Non só leron estupendamente senón que ademais nos trouxeron as súas propias ilustracións do conto "Queres xogar comigo?" Que non o credes? Pois non tedes máis que mirar as fotos! Proximamente colgaremos o vídeo. Estade atentos!

O vagalume da Torre

2010-03-14T20:18:00.002+01:00

Se queredes saber cómo foi esta actividade ide ao blogue de 6º, "Enredando"; alí dase boa conta de todo o que aconteceu na Casa dos Peixes o pasado venres.

Un xornal especialmente para vós!

2010-03-10T19:33:00.000+01:00

"El gancho" é un xornal feito especialmente para rapaces e rapazas entre 7 e 12 anos. Ten de todo: noticias de actualidade, chistes, xogos... Ata podes consultar o tempo que vai facer! A partir de agora terás que seguirlle a pista se queres estar "al loro".

Navegación segura pola rede

2010-03-09T19:13:00.002+01:00

Xa sabedes que navegar por internet é unha ferramenta estupenda coa que podemos aprender un montón de cousas pero tamén hai que coñecer os seus riscos. Con este xogo que atopei no blogue Educación tecnológica seguro que aprendemos algunhas cousas interesantes

Hoxe len Marcela, Ainhoa, Jenny, Laura e Cristian

2010-02-26T12:02:00.004+01:00

Unha lectura marabillosa sobre un pequeno rato de biblioteca, Guillermo. Daba gusto velos lendo, facendo os xestos... Ademais fantasticamente ilustrado por unha chea de murais sobre o tema. Noraboa, rapaces! Por certo... Os asistentes foron nada menos que 35 nenos e nenas dos diferentes cursos. Todo un éxito!

LEMOS NA BIBLIOTECA

2010-02-22T09:50:00.002+01:00

Esta vez foron Milka, Carolina e Pablo os lectores da semana. Prepararon unha lectura preciosa, "El lugar más bonito del mundo", sobre Juan, un neno de Guatemala, que aprende a ler el soíño e está desexando ir á escola. Ademais Milka, Carolina e Pablo, coa axuda dalgúns compañeiros da clase, prepararon varios materiais para ilustrar a súa lectura.

A REGUEIFA... E ISO QUÉ É?

2010-02-09T21:23:00.004+01:00

Pois se queredes averiguar algo máis sobre esta tradición oral galega consultade o enlace de Vieiros onde se explica con detalle. Ata veredes unha comparación co rap... Animádevos!

FOTOS DA ENTREGA DE PREMIOS

2010-02-08T09:53:00.002+01:00

Algunhas fotos da entrega de premios do Certame Falamos no que o noso centro obtivo o primeiro premio. A presentación do acto foi a cargo de Xoan Costa, presidente da AS-PG. Algúns nenos e nenas de 5º e 6º fixeron unha demostración da actividade "Fiadeiros", na que falaron sobre a nosa cidade. Tamén contamos coa actuación dun cuarteto de Cantigas da Terra.

CADEA HUMANA POLA PAZ

2010-02-03T11:13:00.003+01:00

Aquí tedes as fotos da actividade da cadea humana do pasado venres. A verdade é que non tivemos moita sorte co tempo! Tamén vos deixo algúns enlaces nos que podedes ver as fotos e o vídeo da organización.

1º PREMIO CERTAME "FALAMOS"

2010-01-29T10:55:00.002+01:00

O pasado 20 de xaneiro fallouse o premio do Certame "Falamos" promovido polo Servicio de Normalización Lingüística de A Coruña en colaboración coa AS-PG (Asociación Socio-pedagóxica Galega).O primeiro premio correspondeulle ao noso centro gracias ao proxecto presentado polo noso Equipo de Normalización e Dinamización Lingüística, coordinado pola mestra Maite Otero Fernández.
Neste proxecto destacan algunhas actividades encamiñadas a crear espazos físicos para o uso do galego dun xeito natural e espontáneo e aumentar así a competencia lingüística do noso alumnado. Unha das actividades que máis chamou a atención do xurado foi "Fiadeiros" que se desenvolverá unha vez ao mes, no tempo de recreo, na biblioteca do centro e que consiste en que un grupo de nenos e nenas de diferentes niveis falen espontáneamente de diversos temas propostos por unha mestra que fará de moderadora.
A entrega de premios terá lugar no Concello, o vindeiro 3 de febreiro ás sete da tarde e poden asistir todos aqueles pais e nais que así o desexen. Farase unha pequena demostración da actividade "Fiadeiros".
O segundo e terceiro premios correspondéronlle ao CEIP Mª Pita e o CEIP Manuel Murguía respectivamente. Parabéns para todos eles!

Lectura en voz alta

2010-01-15T13:36:00.006+01:00

Hoxe comezamos na Biblioteca a nova etapa da lectura en voz alta. Tedes unha cita todos os venres á hora do recreo na Biblio! Cada semana haberá lectores e público voluntario para compartir unha chea de historias, vivencias, emocións, risas...
Hoxe inauguraron a actividade catro rapazas de 5º. Foron Nati, Vicky, Noemi e Yérica as lectoras dun conto precioso, "Cal é a miña cor?" de Antoine Guilloppé editado por Xerais. Fixéronno realmente ben!
E xa sabedes, todos podedes ser lectores e/ou público desta actividade. Só tedes que falar coa vosa titora e ela diravos o que tedes que facer.
Aquí vos deixo unhas fotos da actividade

Parabéns, Moncho!

2010-01-12T13:34:00.003+01:00

Benvid@s tod@s outra vez ao colexio! Empezamos o novo ano cunha noticia aínda de Nadal. Moncho, de 3º curso, foi o gañador do concurso de postais de Nadal convocado polo Servicio de Normalización Lingüística do Concello. Alí estivemos para acompañalo na entrega de premios e aquí vos deixo unhas fotos.

Parabéns, Moncho!

Parabéns, wiki-rapazada!

2009-12-11T18:37:00.004+01:00

Un grupo de alumnos e alumnas de 6º formado por Alejandro, Andrea Castro, Andrea Villa, Brais, Marieta e Zineb, foron onte a Madrid á entrega de premios do X Certame A navegar Educared para recibir o galardón correspondente ao 2º premio na categoría II da modalidade "wiki" pola súa wiki Xanelas. Se queredes máis información sobre este tema podedes consultar o seu blogue de aula, Enredando.

Dende aquí as nosas felicitacións á wiki-rapazada!

Un conto contra a violencia de xénero

2009-12-09T19:15:00.006+01:00

O venres pasado tres alumnas de 6º curso (Andrea Vázquez, Zineb e Rebeca) léronnos un conto na biblioteca, "Xela volveuse vampira". Levaban días preparándoo. Elas mesmas fixeron a selección da historia e os debuxos que acompañaron a sesión de contacontos. Outras dúas alumnas da mesma clase (Marieta e Silvia) presentaron a actividade facendo unha breve reflexión sobre o tema da violencia de xénero para a que buscaron información en internet.
Asistiron os alumnos e alumnas de 3º, 4º e 6º e creo que todos nos emocionamos ante a historia de Xela, unha muller que vai perdendo pouco a pouco a ilusión, a vida, por unha triste historia que lle tocou vivir. Se queredes averiguar o que lle pasou a Xela e cómo solucionou o seu problema non tedes máis que coller o libro na biblioteca.
Felicidades ás compañeiras que fixeron unha fantástica lectura pero sobre todo pola súa sensibilidade ante un problema social tan serio que nos afecta a tod@s.
Disfrutade das fotos da sesión.

José Emilio Pacheco, premio Cervantes

2009-12-01T18:46:00.002+01:00

Onte fallouse o premio Miguel de Cervantes. Este un premio de moito prestixio que se concede cada ano, dende 1976, a un único autor de letras hispanas en recoñecemento ao seu traballo literario. O agraciado deste ano é José Emilio Pacheco, poeta e narrador mexicano. Pinchando nos enlaces atoparedes máis información e tamén un vídeo no que o podedes escoitar.
Aquí vos deixo un poema seu:

Indeseable

No me deja pasar el guardia.
He traspasado el límite de edad.
Provengo de un país que ya no existe.
Mis papeles no están en orden.
Me falta un sello.
Necesito otra firma.
No hablo el idioma.
No tengo cuenta en el banco.
Reprobé el examen de admisión.
Cancelaron mi puesto en la gran fábrica.
Me desemplearon hoy y para siempre.
Carezco por completo de influencias.
Llevo aquí en este mundo largo tiempo.
Y nuestros amos dicen que ya es hora
de callarme y hundirme en la basura.

As cousas de Xanela

2009-11-29T20:37:00.003+01:00

Ao mesmo tempo que medra o número de usuarios na nosa biblioteca tamén medran algunhas que outras cosiñas que axudan ao seu funcionamento. Por un lado temos un fantástico bolsillero para os marcadores e uns chalecos de axudantes cos que nos será moi fácil identificalos cando precisemos a súa axuda. Por outro lado, temos que agradecer que o supermercado Familia da Rúa Monte Alto nos doara un carriño para transportar os materiais pola biblioteca. Colocar os libros vai ser moito máis doado deste xeito!

Cadea humana pola Paz e a Non Violencia

2009-11-25T10:07:00.002+01:00

Debido á forte chuvia, a organización decidiu suspender a actividade prevista para hoxe na que o noso centro ía participar. Quedamos á espera da notificación da nova data.

Marcha Mundial pola Paz e a Non Violencia

2009-11-24T16:38:00.005+01:00

O noso centro participa mañá, mércores, na iniciativa da Marcha Mundial pola Paz e a Non Violencia, organizada polo Concello. Formaremos unha cada humana ao longo de todo o paseo marítimo, entre a Torre de Hércules e o Millenium, xunto con moitos outros coles da cidade. No enlace atoparedes máis información sobre o tema.
Mañá é ademais o Día Internacional contra a Violencia de Xénero. Escolleuse este día porque foi a data na que as Irmás Mirabal foron asasinadas por orde do dictador Trujillo, na República Dominicana. Esta data tivo carácter oficial a partir do recoñecemento da ONU en 1999.
Ao redor destes dous temas, tan directamente relacionados, estamos traballando nas aulas. Buscade información polos enlaces. Tamén podedes utilizar nas clases a seguinte webquest elaborada polo CEIP San Walabonso de Huelva.
Outros enlaces con material:
www.baiona.org (Actividades para traballar na aula)
Páxina do Concello

Vaia festa!

2009-11-16T21:44:00.003+01:00

O pasado venres a ANPA organizou a festa do magosto no colexio. Foi pola tarde e foron moitos os nenos e nenas que se achegaron cos seus papás e mamás para celebrar xuntos esta festa. Primeiro houbo un contacontos co que todo o mundo riu un montón e logo a festa continuou fóra mentres se comían as castañas. Houbo gaiteiros, pandereteiras... E todos bailamos ao son da súa música! Moitas felicidades á ANPA pola organización.
Ao longo de toda a semana tamén nas aulas estivemos traballando este tema e decorando as clases e os corredores.
Disfrutade das fotos.

... E os peóns saltaron ao camiño!!

2009-11-11T16:37:00.005+01:00

Ou o que é o mesmo... Ao patio do noso colexio. Qué ben o pasamos! Esta mañá todo o alumnado e o profesorado baixou ao patio logo do tempo de recreo; alí cantamos a canción do Día do Péon, dúas nenas de 5º leron o manifesto escrito por Suso de Toro e... Comezou o baile! Primeiro por ciclos e logo todos xuntos fixemos bailar os peóns, buxainas, danzaricos, bailaretes... Habíaos de fabricación propia, traídos da casa e comprados especiamente para a ocasión. Os días previos estiveramos traballando nas aulas buscando información sobre este xogo popular. Noraboa ao Equipo de Normalización e Dinamización Lingüística pola fantástica organización. Aquí tedes algunhas das fotos.

Polo San Martiño, peóns ao camiño!

2009-11-09T21:05:00.010+01:00

O vindeiro 11 de novembro celebraremos no cole o Día do Peón seguindo a proposta que nos fai a Rede Galega do Xogo Tradicional, Brinquedia. Somos moitos coles en Galicia os que participamos nesta convocatoria e no noso caso xa é a segunda vez que o facemos. O curso pasado pasámolo estupendamente bailando as nosas buxainas no patio. Este curso temos preparadas unha chea de actividades: exposición de peóns, construcción de bailaretes, cantar a canción, ler o manifesto escrito por Suso de Toro... Nestes enlaces que vos deixo podedes atopar unha chea de información sobre o tema, vídeos, arquivos musicais, etc. Tamén podedes ir a este outro enlace de Vieiros

o noso blogue vai medrando

2009-11-07T13:31:00.000+01:00

Fixádevos na barra da dereita porque hai moitos enlaces novos: xogos, prensa, recursos... No apartado "Para aprender xogando" tedes moitas actividades. Teredes que ir probando para averiguar cales vos van mellor segundo a vosa idade ou os vosos gustos. Se entrades no blogue dende a casa pedídelle axuda aos maiores e facédeo xuntos, pode ser moi divertido!
No apartado de "Recursos" tedes dicionarios, atlas, enciclopedias...
Este enlace que vos destaco aquí ten actividades sobre un montón de temas. Non lle perdades a pista!

Lectura nos recreos

2009-11-05T17:03:00.001+01:00

Dende a semana pasada a nosa biblioteca xa funciona nos recreos e a verdade é que a cousa vai moi ben. Son xa un bo grupo de nenos e nenas as que se achegan á biblio para disfrutar dun tempo tranquilo de lectura, para consultar os blogues do cole ou para facer algún traballo en equipo. Os rapaces e rapazas de 6º están colaborando na organización e tamén o están facendo realmente ben: axudan aos máis pequenos, manteñen a orde, colocan os libros... Todos estamos aínda aprendendo unhas cantas normas de funcionamento:

Se queremos ir á biblioteca, imos directamente dende a clase.
Temos que merendar antes de entrar na biblioteca. Á entrada temos o "punto de merenda" supervisado polos colaboradores.
Cando entramos na biblioteca movémonos tranquilamente e falamos baixiño. Non olvidamos recoller o noso marcador.
Se queremos saír da biblioteca podémolo facer pero logo non poderemos volver subir a ela.
Cando remata o recreo facemos unha fila e os colaboradores diranos cando podemos ir para a clase.
Podemos estar nos ordenadores en turnos de 15 minutos.

Aquí vos deixo unhas fotos destes primeiros días.

Magosto na Coruña

2009-11-03T17:33:00.003+01:00

O vindeiro sábado temos moitas posibilidades para o noso tempo de ocio. O concello celebra o Magosto na Coruña. Podemos empezar pola mañá no MACUF ás 12:00 do mediodía cun obradoiro de creación de zonchos e tallado de cabazas. Logo ás 13:00 horas, tamén no MACUF, poderemos compartir un tempo con Pepe Carreiro, o ilustrador dos Bolechas.
A quen non lle dea tempo a ir ao MACUF ou pense que lle quede moi lonxe, non vai ter excusa pola tarde porque ás 17:00 horas empeza a festa na Cidade Vella, na Praza de Azcárraga (antigamente chamada a Praza da Fariña). Tamén haberá tallado de cabazas, títeres, encontro con Pepe Carreiro... Ata un roteiro de calaveiras iluminadas polas rúas da Cidade Vella!!! Non volo podedes perder!
Máis información na axenda do Concello.
Aquí vos deixo a programación para esta fin de semana. Xa vedes que hai moitas máis cousas... E para toda a familia!
PROGRAMACIÓN ATÉ O SÁBADO

Samhaín, Samhaín!!

2009-10-30T22:31:00.004+01:00

Qué día, chic@s! Hoxe no colexio todo foi movemento, medo, sustos, máis medo, máis sustos... Todas as clases pasaron polo Salón de Actos para disfrutar da fantástica exposición de cabazas elaboradas polo alumnado e as súas familias. E vaia nivel de participación!! Nada menos que 92 cabazas! Moitas grazas a tod@s. Toda a organización correu a cargo do Equipo de Actividades Complementarias e o de Normalización Lingüística que se ocuparon tamén de decorar os corredores do colexio. Dende a Biblioteca colaboramos con sesións de contacontos, esta vez de medo como non podía ser doutra maneira, por suposto! Tamén montamos unha pequena exposición de libros sobre o tema. A min encantoume ter a toda a rapazada na nosa biblio. Iso si, estiven un pouco asustadas coas historias que nos contaron as profes. Aquí vos deixo unhas fotos para que o disfrutedes de novo.

Chega o Samhain!

2009-10-28T21:03:00.000+01:00

Como todos os anos chega o Samhain ao noso cole e temos preparadas unha morea de actividades: exposición de cabazas, contacontos na biblioteca, murais, obradoiros... Non estades nerviosos? Ufff, eu estou que non respiro! Qué ganas teño de que chegue o día!
Aquí vos deixo un vídeo para que vaiades abrindo boca.

Guías de lectura

2009-10-27T20:06:00.004+01:00

Nesta páxina podedes atopar uhna chea de títulos interesantes de libros para todas as idades. Tamen ten moita información sobre autores galegos que vos pode servir para facer algún traballo de clase. Só tedes que picar sobre a imaxe.
Interesante sobre todo para os adultos que queiran coñecer algo máis sobre os libros destinados aos máis pequenos.

Blog interesante

2009-10-13T17:04:00.004+02:00

Belén, a nova profe de inglés deste curso, fálanos dun blog moi interesante onde podemos atopar diferentes recursos: contos, vídeos, manualidades... Ademais ten enlazados moitos outros blogs e páxinas tamén moi útiles. Botádelle unha ollada e a ver qué vos parece! Grazas, Belén.
Por certo, se atopades algún enlace que vos parece axeitado para este blog non deixedes de dicírnolo. O mellor é que enviedes o enlace por correo

Un novo curso cheo de ilusións!

2009-10-05T20:53:00.003+02:00

Xa estamos de volta!!
Temos pensadas un montón de cousas para este novo curso que comeza a andar: lectura en voz alta, contacontos, autores, traballo coa formación documental e formación de usuarios, informatizar os fondos... Ufff! Agota de só pensalo! Pero pouco a pouco iremos facendo camiño así que non desesperedes.
Para empezar, este mes, ademais de comezar cos préstamos temos a celebración do Día Internacional das Bibliotecas Escolares e queremos que nos axudedes. Qué ideas tedes para conmemorar ese día tan especial? Deixade os vosos comentarios e tomarei boa nota.

Somos oleiros!

2009-05-31T22:09:00.007+02:00

A semana pasada tivemos a sorte de compartir o noso tempo cuns oleiros de Buño que nos amosaron algúns dos segredos do seu oficio. Non hai máis que ver as fotos para ver o que disfrutamos e aprendimos coas mans na masa!

Xanela e Lusca botan a andar!

2009-05-26T15:10:00.002+02:00

Logo de todo un curso de cambios: mobles, pintura, chan... Por fin abrimos a biblioteca escolar! A verdade é que nunca deixou de funcionar porque xa que o espazo estaba ocupado sacamos os libros e as ideas aos corredores do colexio, ás aulas, a onde fixera falla!
De tódolos xeitos tod@s nos sentimos moi felices de por fin abrir as portas, ou deberíamos dicir as xanelas porque ese vai ser o nome da nosa recén estreada biblioteca, XANELA, unha ventá a través da cal aprenderemos unha chea de cousas sobre o mundo que nos rodea. Xa vos iremos contando!
Outro dato importante é que a nosa mascota é Lusca, unha creación dunha alumna de 5º curso, Silvia Mouzo Prado. Seguro que vos soa o seu aspecto!
Como son moitas as cousas que vos temos que contar, imos pouco a pouco. Para empezar disfrutade coas primeiras imaxes da nosa biblio, Xanela.