AXUDANTES DA XANELA

Cando ti, a principio deste curso, asumiches ser axudante da Xanela decidiste convertirte nun ou nunha "axudante Xanela" e asumiches unha RESPONSABILIDADE. 

Unha responsabilidade  é unha tarefa, é un compromiso, é un reto, agora ben, asumir unha responsabilidade significou que creciches, que maduraches,  convertícheste nun neno ou unha nena coa que podo contar para grandes RETOS. Sabes unha cousa? Pois que esta responsabilidade preparouche para outras maiores e fixo que teñas confianza en ti mesmo e tamén nos demáis.

Por orde de antigüedade e alfabético, FELICIDADES a  KIKO, ANA, ANTÍA, CAROLINA, JOEL, ANTÓN, MILKA, AÏCHA, JAIME, JENNY, ANA, LAURA e as novas incorporacións de "axudantes en prácticas de 4º"ALBA MOSQUERA, ANTONELA e en momentos de apuros AARON E RAQUEL.

FELICIDADES porque:

• Realizaches as  tarefas normais sen que tivera que recordalo en todo momento.
• Puidestes razoar o que fixestes.
• non botaches a culpa aos demáis cando algo ía mal.
• Fostes  capaces de escoller entre diferentes alternativas.
• Puidestes tomar decisións que diferiron das que outros toman no grupo en que se moven...
• Houbo respeto e seguimento dos límites impostos por Isi sen discusións inútiles.
• Tod@s levastes a cabo o compromiso que asumistes o primeiro día...e moi, moi importante:
• Asumistes os vosos  erros o que significa, unha vez máis, que dende a linguaxe popular  sodes uns "CRAKS" ou dito dende a Xanela, sodes uns "FORA DE SERIE".

Dende o noso corazón, grazas e moitas felicidades!
Un brindis polo curso 2011/2012!

Agradecementos pola lectura en voz alta

Queremos darlle as grazas a tod@s os que este ano fixeron  posible que moitos escoitásemos venres tras venres contos de aventuras, de cores, de animais, de sentimentos, de risa, de medo...grazas!!!!
Aínda que a primeira vez da un pouco de medo e están un pouco nervios@s, hai que felicital@s por ser tan valentes e lanzarse ao reto de ler. Felicidades!
Lembrade que empezamos de novo en Outubro e que hai que coller cedo as solicitudes de lectura porque enseguida hai colas para ler.
Queremos escoitar tamén voces de nenos. Este ano leron  Cristian, Breixo, Enrique... e quedaron coas ganas, Antón de 2º e Agustín de 3º. Vinde pronto en Outubro.
Un bico e lede moito nas vacacións!

Hoxe,coma en anos anteriores, no cole, tivemos unha visita moi especial: OS OLEIROS.

Os oleiros de Buño son artesáns que manteñen a tradición da olaría en Buño, un dos centros máis importantes na produción cerámica de Galicia. A tradición remóntase ao século XVI, aínda que posiblemente xa traballasen o barro dende moito antes.
Actualmente seguen en funcionamento varios fornos do século XVIII, producindo pezas que se distinguen polo seu aspecto vidrado. Tal acabado aplícase cun pincel fino e ten por finalidade impermeabilizar o barro. (wikipedia.org)
Disfrutamos moito con Pepe e Julio, que fixeron traballar os "matapiollos" e as pernas dos máis altos...
Aquí tendes unha pequena mostra do seu traballo.

O ARCO DA LÚA

Sara e Paula de 4º contaron este venres pasado unha bonita historia...

Cando o sol aloumiña a choiva, nace o Arco da Vella, que concede un desexo a quen salta as súas cores. Sete animais soñaban con cambiar de vida e estaban dispostos atravesalo. O gato quería mudar de miañar porque daba risa e brincou a cor vermella. A cobra estaba cansa de arrastrarse e quería voar, así que cruzou a cor laranxa. A toupa aburríase e quería vivir na praia, así que se arrastrou ata a cor amarela. A cebra sentíase ridícula coa monótona moda de raias e gallopou a cor verde. O peixe non aturaba aos seu veciños e pedíu unhas patas para buscar outros camiños saltando a cor azul. A lagarta abafaba de tanto tomar o sol e consideraba fascinante converterse en peixe, co que moveu o seu rabiño ata o anil. A xirafa estaba farta de non atopar talla especial polo que se agachou onda o violeta. Pero ás veces, entre os soños, aparece un pesadelo.

Roberto Gonzalez Vazquez - Yualah TEV virtual shop system - Yualah

A Profe de Infantil, Maite, deixounos un enlace moi interesante sobre Valentín Paz Andrade...para os que queirades SABER MÁIS, pinchade sobre a foto.

O RATO EXPLORADOR

A sorpresa do venres foi que a lectura a fixeron dúas nenas de dous cursos distintos: Alba Mosquera de 4º e Carlota de 3º.
Foi moi divertida e con moitos debuxos preciosos do rato e animais da selva.
Deíxovos as fotos...que as disfrutedes!!!

O venres 27 de Abril, último venres do mes, a lectura en voz alta fixémola na aula de Música, e foi todo un éxito: dunha banda o conto que nos leron Natalia e Iria de 2º, titulado "Vestida como o arco da vella" que trata de que se un día te vistes con roupa de cores, entón poderás saltar á corda, co arco da vella collido das mans. Doutra banda, foi un éxito ver a cantidade de nenos e nenas que estivéchedes escoitando esta lectura. Gracias polas vosas visitas, sobre todo este venres no que a Xanela aínda está a "secar".
Seguimos na aula de música!!!! Ata o venres 4, con NOVIDADE: Lectura de dúas nenas de cursos distintos!!!sorpresa...quen será?????