23/12/22
Lista de desexos de Nadal
Aquí déixavos Lusca unhas recomendacións para pasar unhas vacacións moi emocionantes con lecturas divertidas, aventuras e moita fantasía. Engadídeo á vosa lista de desexos.
Felices vacacións e vémonos á volta en Biblioxanela.
22/06/22
E rematamos cun novo programa de radio na biblio e recomedancións para o verán
07/04/22
XUNTAS CONTAMOS - NOVO PROGRAMA DE RADIO NA BIBLIO
Voltamos cun novo capítulo arredor de mulleres especiais para nós. Mulleres que nos inspiran, nos empoderan e nos dan azos para seguir loitando xuntas neste camiño cara a igualdade. Dalle a play e goza de reflexións sobre igualdade, entrevistas a mulleres excepcionais, e unha chea de música de grandes artistas que nos emocionan con cada nota. Ademais das que nos falan desde 5º EP, ao longo deste programa podemos escoitar a: Caamaño e Ameixeiras, A banda da Balbina, Sés, Habelas Hainas, Acordeireta, Uxía, Su Garrido e Tanxugueiras.
21/02/22
De novo nas ondas
Aquí estamos con outra novidade. Desta vez traemos quentiño un novo programa de radio.A rapazada cóntanos algunhas das actividades coas que máis gozamos no que vai de curso. De Mitos e Lendas á Nosa Hortiña que queremos tanto...Chega un programa divertido no que non falta a música, os contos, e sobre todo a ilusión. 📻
Esperamos que vos guste.
Música empregada neste episodio:O Rabelo,Xabier Díaz, Caamaño e Ameixeiras e Fuxan os Ventos.
20/12/21
Recomendacións de lecturas para o Nadal
Estas son as recomendacións de lectura para este Nadal ou ben suxerencias para as vosas listas de desexos.
Agardamos que sexan do voso agrado!
22/06/21
Recomendacións de lecturas veraniegas
A Biblio Xanela despídese por este curso cunhas suxerencias para seguir lendo durante as vacacións.
P.D: As Bibliotecas Municipais tamén fixeron unha pequena guía con ideas para todas as idades e gustos.
https://drive.google.com/file/d/1l6PkoiBt_ScjoeeaBWi3-YubvT_cjrpR/view?usp=sharing
Xa están aquí as curtas de 6º!
Este ano temos o dobre de curtas para ofrecervos porque tanto 6ºA coma en 6ºB empregáronse a fondo e crearon dúas historias de cero cheas de creatividade e boas ideas.
FUTURO B
AMONG BULLIES (Entre abusóns)
Foron meses de moito traballo pero agardamos que os desfrutades tanto como nos desfrutamos facéndoos.
27/05/21
Gañadores/as do Certame Literario A Xanela 2021
Hoxe traemos ao blogue da biblio as obras gañadoras do Certame Literario A Xanela 2021
Velaquí tedes os agasallos que recibiron os alumnos e alumnas premiados e premiadas á esquerda e os agasallos para os participantes á dereita. Parabéns a todos e todas polos vosos traballos!:
O xurado do Certame quixo en esta ocasión salientar o traballo feito por unha alumna de terceiro curso, concedendo unha mención de honra a Eva Lires Crecido polo seu poema "Un caracol facendo o Camiño"
O gañador en Primeiro de Educación Primaria foi Diego Torreira polo seu álbum ilustrado titulado "O Camiño inundado".
Eire Quintela Rodríguez foi a gañadora co seu cómic "O Camiño das linguas" en Segundo de Primaria.
En Terceiro curso de Educación Primaria, Antón Mariñas Veira resultou gañador na categoría de poesía co poema titulado "O Camiño".
En Cuarto de Primaria a categoría foi conto e o gañador en este curso foi Pedro Llamas Bermúdez co traballo titulado "O camiño imaxinario".
O teatro foi a categoría dos traballos de Quinto curso de Primaria, en este apartado resultou gañador Carlos Espiñeira Pravía pola obra titulada "Don Escarb e a vieira de ouro".
Finalmente os alumnos e as alumnas de Sexto curso presentaron os seus traballos no apartado de narrativa, sendo a gañadora Xoana Barilac Calvo con "Contos de mamá".
Queremos animar dende a Biblio Xanela a todos e todas para que o próximo ano presentedes de novo os vosos fabulosos traballos. Sorte!
15/04/21
Propostas para o Día do Libro.
Para celebrar o Día do Libro, este ano traemos novas prospostas para facer na casa. O venres 23 de Abril celébrase o Día do Libro e gustaríanos que participedes enviando imaxes das vosas ideas. Escollede un conto ou unha portada e recreádea como prefirades.
Seguro que saen ideas do máis orixinal! Estamos agardando velas, animádevos!!
13/03/21
Programa especial polo 8 de marzo de Radio Xanela
Hoxe traemos un novo programa de Radio Xanela. O 8 de marzo é unha data que non pasa desapercibida no cole e este ano queríamos sumar ás moitas actividades que se están a elaborar, un programa de radio no que participan todas as clases.
Neste especial falamos da orixe do 8 de marzo como Día Internacional da Muller, das catro científicas galegas que compoñen as camisetas que fixemos, lemas para berrar ben forte nas manifestacións feministas, un poema de Rosalía de Castro, unha mención a Emilia Pardo Bazán e ata cancións e raps. Non o poderedes deixar de escoitar!
Un gran traballo de todo o centro para seguir loitando pola igualdade!
17/02/21
14 FEBREIRO: DÍA DO AMOR E DA AMIZADE
💖14 DE FEBREIRO: DÍA DO AMOR E DA AMIZADE💖
Velaquí vos deixamos algunhas recomendacións para este día ou calqueira outro, porque o amor e a amizade están presentes todos os días do ano. Enviámosvos moito moito moito amor para vos como mellor agasallo.
11/02/21
Primeiro Programa de Radio Xanela do 2020/2021
Radio Xanela xa está de volta este curso!
Cando estamos a un día celebrar o Día da Radio, podemos ao fin ofrecervos o programa de radio que resume todo o que aconteceu no cole no primeiro trimestre.
O alumnado de 2º presenta este programa cheo de grandes contidos coma a COVID. Imposible non falar deste tema que está a marcar as nosas vidas. Escoitade o que opinan as grandes mentes que temos en Educación Infantil, non faltan ideas para combatir ao virus!
Tamén hai tempo para falar de datas importantes como o Magosto, o Samaín, a celebración do Estatuto de Autonomía de Galicia ou de proxectos tan interesantes como o do espazo do Vixía.
Todo isto ben acompañado de cancións que non poderedes deixar de escoitar e promos dun cole onde non o podemos pasar mellor!
Desfrutade do voso programa e se queres deixanos tamén a túa opinión.
03/02/21
LECTURAS COMPARTIDAS
👂Xa comezaron as lecturas compartidas👂
Podedes botar unha ollada dende a Aula Virtual da biblio. Ademáis temos unha sección da biblio para que teñades tamén en físico os libros (sempre e cando sexan do cole).
Xogos e manipulables
A gamificación tamén ocupa un lugar importante na biblioteca. Por aquí vos deixo unhas imaxes dos xogos da biblio.
Día da Non Violencia e a Paz
❤ HOXE MÁIS QUE NUNCA PRECISAMOS DO TEU SORRISO❤
O día 30 celebramos o Día da Non Violencia e a Paz e dende a Biblio fixemos este estante con propostas de libros relacionados con esta temática.
22/12/20
Suxestións de Nadal 2020.
Xa estamos de vacacións!
Desde a Biblio Xanela queremos darvos ideas de libros e contos para desfrutar estas semanas.
FELICES FESTAS!!
28/11/20
25N, Lecturas pola igualdade
Como ben sabedes, o 25 de novembro é o Día Internacional contra a violecia de xénero. En Biblio Xanela fixemos unha selección de contos, cómics e libros que fomenten a igualdade e eliminen machismos e estereotipos que xa non teñen cabida na nosa biblioteca.
Engade os que creas que faltan!
21/06/20
Fin de curso! Curta, canción, recomendacións e máis...
Chegou a fin do curso, un curso peculiar pero no que estamos fascinadas co voso esforzo, saber facer e resposta a todo o proposto. sodes xeniais!
Deixamos aquí unha pequena despedida con algúns dos resultados:
1. A curta confinada de 6º, non foi nada sinxelo mudar a orientación do traballo realizado antes do confinamento pero todo ese proceso tamén é importante, a elaboraciónd e guións, o descubrimeno dos planos, a creación de guións gráficos... todo foi relevante e aquí está o "spot confinado" co que rematamos. Parabéns!
2. O voceiro de Hércules, a versión dixital da nosa revista do cole xa está publicada e lembramos que podedes visitala e desfrutala AQUÍ
3. Como iamos deixar a nosa canción na que aportáchedes voz, instrumentos, baile,... de todo! "nenos, nenas da Xanela, profes e demáis... berran todos xuntos por un curso que se vai!" Bravo! Convertiuse nunha especie de festival de fin de curso confinado...
4. Novidades e suxerencias literarias para todas as idades!
5. Por último, a vosa opinión sobre a biblio e as súas propostas é moi importante para nós así que pedimos, que se dispós dun par de minutos, respostes á seguinte enquisa, por favor.
Moitas grazas por colaborar, parabéns por chegar ata aquí non foi nada doado, agora agardamos que desfrutedes moito do verán e as súas lecturas e... non descartamos aparecer por aquí ou polo INSTAGRAM DA XANELA de cando en cando, por se queredes visitarnos. Estamos orgullosas de todos e todas vós e desexámosvos unhas vacacións fabulosas.
Ata pronto lectores, lectoras, escoitadores/as e creadores/as de historias, escritores e escritoras dos clubes de letras, axudantes, bibliotecario adxunto, familias, mestras/es... que as letras vos acompañen!
07/06/20
Orgullosas!
Todos sabemos que "os armarios son sitios frios, escuros e que.... CHEIRAN A RANCIO!", como escoitamos no contacontos do Planeta LGTB (grazas ANPA!)
Non podiamos deixar pasar xuño sen salientar as conmemoracións do ORGULLO na nosa escola.
Tal día coma hoxe, 8 de xuño, en 1901 casaron na igrexa de San Jorge da Coruña Elisa e Marcela, como o fixeron? Coñeces a súa historia? desde a biblio Xanela animámoste a descubrir algo máis sobre estas dúas mulleres.
Que che parece a historia? O matrimonio homosexual non foi legal no país ata o ano 2005, parece mentira! Imaxina todas as parellas que tiveron que loitar contra esta situación, elas son só un exemplo entre tantos... Que outros referentes LGBT coñeces? Se queres compartir algúns nomes e historias para que recoñezamos a súa valía podes contalo nos comentarios desta entrada!
E...agora que coñeces un pouco da historia de Elisa e Marcela... que che gustaría dicirlles? Escríbelles unha mensaxe en formato telegrama.
INFO IMPORTANTE:
Podes mandar o teu telegrama a biblioxanela@gmail.com
AQUÍ podes descargar a plantilla do telegrama por se a queres empregar
AQUÍ podedes acceder ao boletín A Xanela de xaneiro no que recomendamos lecturas relacionadas!
AQUÍ podes acceder á guía para a "educación sexual con peques desde a familia " do servizo de educación e atención sexual para xóvenes.
Subscribirse a:
Publicacións (Atom)