O APALPADOR...
É un
home grande, groso, barbudo e chega nas noites de Nadal e Fin de Ano. Pero non
é Santa Claus
ou Papa Noel.
Tampouco ten nada que ver cos Reis Magos, aínda que todos eles comparten un fin
común: alegrar os máis pequenos da casa. O 'Apalpador' é unha figura mítica das
montañas do oriente galego.
O 'Apalpador' vive na montaña, dedicado a facer carbón. É un xigante que usa boina, unha chaqueta vella e remendada, fuma en pipa e aliméntase con bagas salvaxes e da carne de xabaril que caza no monte. Esa é máis ou menos a imaxe que teñen del os máis vellos das bisbarras do Cebreiro, Courel, Louzara e, mesmo, Ancares, que recordan as historias que lles contaban os seus avós.
Segundo a tradición, o 'Apalpador' baixaba aos vales para "palpar" a barriga dos máis pequenos e deixarlles castañas en caso de que estivesen moi fracos.
SE QUEREDES INVESTIGAR UN POUQUIÑO MÁIS PODEDES FACER ESTE LIBRIÑO HOLMES...APRENDEREDES E TAMÉN VOS DIVERTIREDES...DE 6 A 8 ANOS.
Ningún comentario:
Publicar un comentario
Aproveita esta xanela e cóntanos algo!